Haurrek eskubideak dituzte

Haurren eskubideak

Anti-bullying kampainiak

Haur eta nerabe asko izan dira eskolan tratu txarrak jaso dituztenak. Duela urte gutxi, Espainian hainbat kasu eman ziren bullying-ari buruz. Kasu oso grabeak izan zirela eta Bullying-aren kontrako kampainia zabaldu zen. Hona hemen batzuk: "Si te molestan no calles" , "Cero acoso" , Gobernua Espainiolak eskoletan sortutako kanpainia... beste askoren artean.

Eskola erasoa.Bullying.

“Eskola eraso” egoeretan, ikaslearengan, batez ere botere fisiko, psikologiko eta sozialeko desoreka bat sortzen da. Hori guztia asmo eta modu oldarkorrean adierazten da, eta denboran behin eta berriro errepikatzen da eta, horrenbestez, biktimarengan etorkizuneko erasoak jasatearen pentsamendua sortarazten du. Askotan, egoera hauek inor konturatu gabe ematen dira eskoletan eta oso kaltegarriak izan daitezke jasaten ari direnarentzat, oro har, isilunean eta bakardadean eramaten baitituzte.

Honek ondorio nagusiak ekartzen ditu:
Biktimarentzat: eskola porrota, trauma psikologikoa, arrisku fisikoa, atsekabea, antsietatea, nortasun arazoak...
Erasotzailearentzat: etorkizuneko delituzko jarrera baten hastapenak izan litezke, erasoan oinarrituta boterea lortzen ikas dezake, gizartean jarduera oldarkorrak onartzen eta saritzen dituztela sinets dezake.
Ikusten duten ikaskideentzat: bidegabekeriaren aurrean jarrera pasiboa eta atsegina sor dezake.

Zer egin, gure esku dugun, tratu txarra jasotzen dituen haurrarekin?

Kasu batzutan modu arruntean joka dezakegu, baina zenbait premiazko egoeretan, beste modu batetara jardun beharko dugu. Lehenengo kasuan hezitzaile batek haur bat tratu txarrak jasaten ari dela dakienean edo horren susmoa duenean, urrats hauek eman beharko ditu:

1- Tratu txarreko kasua igarri edo susmatzen duen pertsonak ikastetxeko aholkula edo orientatzaileari jakinaraziko dio susmoaren eta ziurtasunaren arrazoiak azalduz.
2- Aholkulari-orientatzaileak, kasuak igartzeko adierazleei buruz duen ezagutzan oinarrituta, susmoaren lehen balorazioa egingo du, eta susmoak jarraituz gero, ikastetxeko zuzendaritzari idatziz jakinaraziko dio.
3- Ikastetxeko zuzendaritzak udaleko Oinarrizko Gizarte Zerbitzuei ikerketa bat egiteko eskatuko die, ikastetxeko langileek egindako idatzizko jakinarazpena bidaliz.
4- Garrantzitsua da kasuaren inguruan erreserba gordetzea eta igarpenean aipatu diren pertsonei bakarrik ematea horren berri.

Premiazko egoeren aurrean, berriz, haurraren osotasun fisiko edo psikikoa arrisku handian egonez gero, ahalik eta azkarren eta erarik eraginkorrenean jarduko modua erabili beharko da:

1- Egoera igartzen duenak aholkulari-orientatzaileari jakinarazi beharko dio, premiazko egoera dela adieraziz.
2- Aholkulari-orientatzaileak horren berri emango dio zuzendaritzari, premiazkoa dela jakinaraziz honi ere.
3- Zuzendaritzak kasuaren eta duen premiaren berri emango dio Gipuzkoako Foru Aldundiko Gizartekintzari, hau da, adingabekoen babesaren ardura duen erakundeari. Jakinarazpena idatziz eta telefono bidez egingo da tramiteak arintzeko.
4- Berehala jardutea eta haurra etxera ez itzultzea eskatzen duten kasuetan zuzendaritzak eta kasuaren larritasuna ezagutzen dutenek beste baliabide batzuk erabili ahal izango dituzte, hala nola: salaketa aurkeztu Gau eta Eguneko Epaitegian, Ertzantzari edo Udaltzaingoari telefonoz deitu eta salaketa aurkeztu eta haurrak kalte fisikoak dituenean ospitaleratu.Nolanahi ere Gizartekintzari jakinarazi behar zaio.

Hauek dira jarraitu daitezken. Dena dela, legediak ere baditu gai honen inguruan hezkuntza alorreko hainbat erreferentzia. 1/96 legearen arabera, adibidez, Erakunde Publiko eta Pribatuak behartuta daude eskumena duen herri erakundeari babesik gabeko egoeren berri ematera. 1543/88 Erret Dekretuko 9.1. artikulua, bestalde, ikasleak eskolan tratu txarrik ez jasotzeko duen eskubideari buruzkoa da, eta 9.3. artikulua ikastetxeek eta bertako langileek tratu txarreko kasuetan erreserba gordetzeko duten betebeharrari buruzkoa.

Baina...Zer dira haurren txatu txarrak?

Haur batek, nagusi baten aldetik, psikikoki edota fisikoki jaso ditzakeen zapalkuntza da. Honek,haurraren autoestimu baxua , zihurtasun eza, depresioa, gutxiagotasuna, jarrera oldarkorra, disziplina arazoak, jarrera ilegalak... dakar.

Haurraren tratu txarrak kausa hauek barne hartzen ditu:
- Tratu txar fisikoa (era desegokian indarra erabili)
- Utziera fisikoa (haurraren funtsezko premiaren ase gabetasuna)
- Unkipenaren tratu txarra
- Emozioen bazterkeria (afektuaren erresepzio falta eta laguntza).
- Abusu sexuala (haurra estimulazio sexualerako erabiltzea)